唔好賴天賴地,要怪就怪你自己

又黎喇又黎喇...

條八婆又黎喇

真係唔明點解?人讀書你讀書,點解你會覺得自己比較忙咧?

重點係你成日話你自己有幾忙,幾唔得閒,

咁你又咁得閒成日上面子書寫近況?

3個月冇出街?似乎大概上兩個月前我地先一齊打邊爐窩..

唔通0個日我地見到既係鬼?

讀名校唔係大晒架,講衰D,咪就係一間乜都講錢既學校囉

講到尾,你根本就係歧視我地哩D讀政府學校既人

So What ? 我唔覺得有任何問題..

大家都係讀書,各有各忙

點解你會特別忙?仲要成日上面子書寫到自己有幾慘

全世界得你有野做呀而家?

讀書你都覺得咁辛苦,咁以後你出社會做工咪仲慘?

到時駛唔駛跳樓呀?

大家都有Assignment做,唔通你讀名校D功課就特別多字要寫

特別難做喇窩?我呸!!!

唔夠時間?咪怪你自己囉

乜你讀名校英文唔係'好勁'架咩?

Time Management你未見過呀?唔識讀?亦或你唔明白呀?

死蠢!!

自己唔識編排時間就唔好0係度濫忙

怨天怨地,要怪就怪你自己

唔該你唔好再出現0係我面前

我唔係幾想同你哩D狗眼人做朋友囉

5個月後,返回哩度,心情依然一樣..低落

荒廢了5個月幾既Blog,我諗都係時候Update下

5月10號

第一日番學,第一年大學生活,第一天去到一個陌生的地方

有少少唔習慣,懶散的我,又要重新返回學校生活,重拾書包,再接再勵,

向更高的境界,知識..邁進

5月17號

第一日上課,全部科目轉晒去英文當然好唔習慣

Econ,本以為好簡單,信心滿滿咁去上課,

但事不如人,不如我所諗,係比我想象中難度高好多

英文字母10個有6,7個睇唔明,

令我感覺到英文實在太重要,如果英文根基唔好

學乜都好難入腦

之後既日子,我依然重複地做緊同樣既事情直至今日

哩幾日既心情好低落,可能我太過在乎過去

過去可能事情凡事都好似太完美,

不竟令我重複回憶過去的美好

同時亦出現了比較,妒忌同傷感

比較之下,我會憧憬當初的快樂

妒忌之下,我會憎恨人們的美好

傷感之下,我亦祇可以選擇放手

人既思維同情緒,往往都擁有哩3種心境

過去就讓它過去,未來的路才是我要走的路

講就真係好容易,但...試問世上有幾多人能夠咁豁達

能夠永遠保持不比較,不妒忌,不傷感咧?

我諗,哩個問題真係要自己問番自己先知個答案

在這麼寂靜的晚上,能夠輕鬆地打Blog

聽音樂,嘆冷氣,已經可算係唔錯既享受

人的慾望,永遠令大家祇懂得追求勢力與財力

卻忘記了,簡單..先係真正的快樂

重覆地聽祖首<黃色大門>

她再次唱出我而家既心情

沉醉在你的歌聲中,永遠都令我覺得很快樂